اوغوز تورک
پ ک ک (Kurdistan Workers' Party) بيرله‌شيک ميللت‌له‌ر تشکيلاتی٬ اوروپا بيرليگی٬ و بوتون ناتو عضوو اولان اولکه‌له‌ر طرفينده‌ن تروريست تانينير. پ ک ک دونيانين اه‌ن چوخ اينسانليغا٬ اخلاقا٬ و مدنييته دوشمان اولان٬ اه‌لی مين‌له‌ر گناه سيز اينسانين قانينا به‌له‌نه‌ن ترور قورومودور.
پ ک ک ۱۹۷۸ده‌ن بويانا کوردوستانين ايشچی له‌ر پارتيسی اولاراق تانينير٬ آما بو اوزون و قانلی ايلله‌رده نه کورده نه کوردوستانا و نه ده بير تک ايشچييه ياراری دوخونموشدور. چئشيدلی ياساق يوللاردان٬ کورد و تورک اوشاق و گه‌لين‌له‌رينی ره‌هين آماقدان و آوروپانين و بولگه‌نين جوانلارينا هروئين ساتماقدان گه‌ليری بير بيليونا قدر دايانير.
خاطرله‌تمه‌لی‌ييک کی پ ک ک دونيا پليسی (اينترپل) طرفينده‌ن آراما و گوز آلتيندادير. آشيری کومونيست قوروبو اولاراق يارانان و مارکسيست لنينيست دوشونجه‌له‌رينی گوده‌ن و اوراق- چه‌کيچ بايراقلی پ ک ک, ايلک اونجه‌ده‌ن سووئيت‌له‌ر (روسلار) طرفينده‌ن و سونرا يونان٬ ايران٬ سوريه و ائرمنيستان طرفينده‌ن حمايت اولموشدور.
سووئيت‌له‌ر داغيلاندان سونرا و دونيانين ايديئولوژيک ده‌نگه‌سی مارکسيسم- لنينيسم‌ده‌ن اوزاقلاشديقجا٬ پ ک ک ده, بايراقدان اوراق- چه‌کيجی سالان کيمين ياواش ياواش اوزونو کورد (ايرقچی) ميليتچی‌ليگينه و حتی (گه‌ريجی) ايسلام دينجيليگينه ياناشميشدير.
پ ک ک نه قدر ده رنگ و شيوه دئيشديرسه ده آنجاق سالديرقانليغی و هر تورلو اينسانی و مدنی وارليغا و ده‌يه‌ره دوشمانچيليغی دئيشمه‌مه‌کدير.
تاريخی تورک دوشمانلارينين اه‌لينده قورخو٬ ترور٬ و وحشت يارادان و چاره‌سيز بير قولدورا دونه‌ن پ ک ک٬ آزربايجان و اوزه‌لليکله ده گونئی آزربايجاندا پژاک آدی آلتيندا٬ سوچسوز و ساوونماسيز اهالينی اولدوروب يئرينده‌ن يوردوندان سورمه‌يه چاليشماقداير.
وارليق ضرورتی و فلسفه‌سی ايشچييه و کورد ايشچی سينه و کورد خلقينه ياراردان٬ تورک دوشمانچيليغينا (آنتی تورکيسم) چئوريله‌ن پ ک ک بولگه‌نين اينديکی شرط‌له‌رينده قودوز بير ايت کيمين ساغا سولا سالديراراق٬ منطقه‌ده تشنج و قيرقين يارادير.
پ ک ک٬ ايسته‌ر ايسته‌مه‌ز روسلارين آزربايجان و اوزه‌لليکله گونئی آزربايجان تورک ميللتينی آنادولو قارداشلاريندان آييرماق آماجيلان و آرادا باشقا بير ميللتی تاريخی تورک توپراقلارا ايته‌له‌يه‌ن سياستينه٬ آشيري ميليتانت و شدت‌جی مزدورلاری اولموشدور.
سون ۳۰ ايلی آشان تورکيه حکومت‌له‌رينين آرد آردا باتی‌يا ياناشی و دوغو اونوتقانليق سياست‌له‌رينين سونوجوندا آنادولو و دوغو تورک و کورد ميللتينين گئچيم و سياسی باخيمسيزليغی دا هر خلق‌له‌رين حقينده‌ن دانيشانين اه‌لينده و بولگه‌ده شرارت يارادان تورک دوشمانلارينا بهانه‌له‌ر وئرميشدير.
پ ک ک‌نی ايداره ائده‌نله‌رين و فعال کادرينين آراسيندا هيچ ده ايشچی‌ده‌ن (کارگر) و ايشچيليک‌ده‌ن خبر يوخدور. هه‌له تورکيه‌نين اينديکی حکومتينين (آچيليم) سياسيتينين باشلانقيچيندان بويانا کوردچولوک بهانه‌سی ده اونلارين اه‌لينده‌ن آلينميشدير.
ده‌رين اوزگونلوکله دئمه‌ک اولار کی اوز قانلی تاريخينده پ ک ک‌نين هم کورد و هم ده تورک ميللتينه ضرری توخونموشدور و هيچ بير باشاری هيچ بير سويه‌ده پ ک ک (Partiya Karkerên Kurdistan) آدينا يازيلابيلمه‌ز. هابئله دئمه‌ک اولار کی هر قبله‌سينی ايتيره‌ن ترورچو قوروب کيمين پ ک ک ده شاشيرميش٬ ايپينی قيرميش و بولگه‌ده ميللت‌له‌رين باريشدا و ياخچی ياشاماغينا بير مزاحم و انگل کيمين گورونور.
پ ک ک‌نی هر زامان روسلار٬ ارمنی له‌ر و يونان‌ليلار ده‌سته‌کله‌سه ده٬ اوزون سوره‌دير کی ايشقالچی ايران رژيمی بو تروريستی قوروبون اه‌ن اونه‌ملی لوژستيک و مالی يارديمجی‌سيدير. يوزله‌ر سند و به‌لگه پ ک ک‌نين ايران‌ين اه‌لينده تورک دوشمانليغي ايچين قوللانيلان بير ماشا اولدوغونو اثبات ائدير.
پ ک ک روسلارين پيلانلاديغی و ايران- فارس حاکميتينين اويقولاديغی و تورکيه دولتينين غافل قالديغی ٬گونئي آزربايجان‌ين باتی‌سيندا آزربايجان تورکونون و تورکيه تورک ميلله‌تينين آراسيندا بير ملت دوواری چه‌کيلمه‌سينين نظامی اه‌لی اولموشدور.
گونئي آزربايجان تورکو اوز مييلی حرکتينده ايران دوليتينين اويناديغی تورکسوزله‌شديرمه و آزربايجان‌سيزلاشديرما سياست‌له‌رينی سه‌زمه‌لی و آزربايجان توپراقلاريندا و اوزه‌لليکله ده باتی بولگه‌له‌رينده کورد ياييمجيليغينا يول وئرمه‌سينله‌ر. پ ک ک تروريست‌له‌رينين قارشيسيندا سيلاحلانيب آنا يوردوموز آزريايجان‌دان و تورکلوک‌ده‌ن دفاع ائتسين‌له‌ر.
سايقيلاريملا
2013
اومود امورمولو: البته رادیکال کورد حرکه تی یانلیز پ.ک.ک یاراندیقدان اولمامیش و 100 ایلله ر اونجه بولگه ده تورک کیملیینه قارشی چئشیدلی کورد فتنه له ری اولموشدور.
